繼上次介紹的正式聖誕大餐，梁宅在假期中另一項壓力測試便是辦一個13人的午餐聖誕派對！其實，最大挑戰並不是人多，而是當天有5個2至6歲的小朋友，在編排菜單上確有難度。吃起來太麻煩（很大機會弄污地方）、費時的（他們哪有耐性乖乖坐著吃）、有骨有殼的、辣的生的全部要out，即是有一半我懂煮而愛吃的不能入圍！
想了數天，定案如下，總算兼顧了大小朋友的口味：
- 芝士盤
- 火腿盤
- 鴨肉醬伴蒜茸多士
- 酥皮腸仔卷
- 蝦沙律牛角包
- 栗米車厘茄菠菜沙律
- Ikea肉丸
- 薯蓉伴肉汁
- 白汁吞拿魚意粉
- 紅酒燉牛肉伴意粉
最近從美國訂回來的石板，極有質感，非常喜歡，放芝士甜品皆可，有高級餐廳的感覺。。。
事後發現有幾款食物並無拍照，因為情況實在太混亂了！小朋友吵吵鬧鬧，把梳化當滑梯，一個說怕狗要爸爸抱，另一個卻把食物塞進狗口，又有些收到禮物後放在地上被狗搶了！
到了下午約三時，小朋友逐一開始「扭眼瞓」了，匆匆拍過大合照就各自撤退，簡直是旋風式。小狗也累得立即鑽進籠裡，倒頭大睡。
多年好友相聚，我們還是很開心的，家裡也鮮有這麼熱鬧呢。
難不到梁生梁太
回覆刪除小朋友食得簡單過大人
回覆刪除佢地最鍾意白汁吞拿魚意粉
刪除有小朋友的party開心好多~~
回覆刪除菜單編排好細心, 大人和小朋友都各有兼顧到, 犀利, 一定很累啦, 最緊要見到親戚朋友食得開心, 自己也開心,
回覆刪除哈哈哈, 我最想知道塞進狗口和被狗搶了的是甚麼!
回覆刪除塞入口的, 我睇唔到係乜
刪除搶的, 係公仔, 佢以為係屬於自己的
情況實在太混亂>> 睇你形容. o係現場會好好笑.
回覆刪除真係好熱鬧
刪除你真係叻， 我怕我應付唔到小朋友呀。
回覆刪除有小朋友的party，好難攪，你已經好叻啦！讚！
回覆刪除佢地呢個年紀係最active難控制的
刪除真心覺得妳好勁，招呼有小朋友家庭真係好難!我試過一次喺大厦party room catering,有大有細，不過好在小朋友可以學大人玩pool table,同自備玩具，但我一定無妳嘅勇氣喺屋企攪+準備食物!
回覆刪除我有少少怕在會所攪, 叫到會的小朋友party
刪除一式一樣, 野又唔好食, 又冇野好玩
我鍾意在屋企/去人屋企玩
聖誕節開派對，小朋友就至開心！
回覆刪除2-6歲小朋友最活躍呢...又未懂事, 真係要好有耐心先得, 我上次請左16人黎屋企開party, 當中又係有四個2-6歲小朋友黎玩, 雖然佢地都好乖, 但我隻貓貓都驚到匿埋左好耐呀!
回覆刪除佢地都玩到我隻狗謝晒
刪除個仔細個時都有攪大人細路派對，而家唔好攪我喇！
回覆刪除你哋整咁多嘢食，好掂呀！
Happy New Year ! Great party !
回覆刪除你真係犀利!
回覆刪除對我黎講我都覺得有小朋友既party食物方面真係幾難唸, 通常大人一份小朋友一份就算..haha
回覆刪除真係幾難, 但我好憎叫外賣/到會, 冇誠意, 食物垃圾
刪除好熱鬧喎！
回覆刪除小朋友唔係食得多, 但五六個小朋友食完嘅污糟度就 = 五六十個大人食完飯...
回覆刪除佢地算係咁, 冇整污糟, 都食幾多野
刪除說實在,你真係好勁. 我真係好怕呢d party, 去都唔會去, 更可況要自己攪~
回覆刪除擺設好靚好吸引^^
回覆刪除大人細路都開心^^
回覆刪除好勁
回覆刪除你地都鐘意芝士盤～^^ 見到個餐單已經覺得好吸引，仲要賣相超好＊v＊
回覆刪除一定難唔到妳！不過真係要花些時間和心思(
回覆刪除呢個 party花好多心思喎! :)
回覆刪除一個卻把食物塞進狗口，又有些收到禮物後放在地上被狗搶了！小狗也累得立即鑽進籠裡，倒頭大睡。>>>>> Wakakaka 我可以想像到個情況！
回覆刪除你好有心思，會考慮小朋友，我屋企的，從來都是大人口味行先
回覆刪除石板真係好靚！
小客人開心，小狗也開心！ 你呢個主人家真細心，ｐａｒｔｙ前，要ｐｌａｎ好食物和禮物。 Ｐａｒｔｙ後，大家都散曬，仲要收拾。。。。佩服
回覆刪除預備十幾人的Party也不簡單, 辛苦背後可以好朋友聚聚吧!!
回覆刪除你既MENU好周到呀! 好細心~!
回覆刪除我讀到你形容PARTY既盛況, 真係忍唔住笑鳥... XXDDD